შაბლიში მოსავლის აღება, პრაქტიკულად, დასრულდა. მეღვინეები კმაყოფილნი არიან წლევანდელი მოსავლის ხარისხით, თუმცა ამავე დროს მისი სიმცირე აფიქრებთ. ცალკეულ სოფლებში წელს შარდონეს მოსავალი 40%-ით ნაკლები იყო, ვიდრე გასულ წელს. მაგალითად, თუ Domaine des Malandes-ში დაახლოებით 15-20%-ით ნაკლები ყურძენი მოიწიეს, Domaine Louis Michel & Fils-ში ორჯერ უფრო მეტი დანაკლისი დაფიქსირდა. 2012 წელი თავიდანვე უიღბლო გამოდგა - გაზაფხულის ყინვები ზაფხულის დასწყისში წვიმებმა შეცვალა, რასაც აგვისტოს გვალვა დაერთო. თუმცა, სიცხემ, საერთო ჯამში, დადებითად იმოქმედა ყურძენზე და გადარჩენილი მოსავალი საკმაოდ მაღალი ხარისხის გამოდგა.
© ღვინის კლუბი/Weekend