ღვინის მწარმოებელმა ჩინურმა კომპანია Jinding Co-მ, საკუთარი პროდუქციის რეკლამირების მიზნით, გამოფენაზე - Yantai International Wine Expo - ღვინის გიგანტური ბოთლი წარმოადგინა, რომლის სიმაღლეც 27 მეტრია, სიგანე - 2.7 მეტრი, წონა კი დაახლოებით 3 ტონას აღწევს. ამ გიგანტური ბოთლის ტრანსპორტირებისთვის სპეციალური პლატფორმის გამოყენება გახდა საჭირო. “ჩვენ გვინდა გამოფენის ყველა სტუმარს მივცეთ ჩვენი ღვინის გასინჯვის საშუალება და ვთვლით, რომ ამისთვის ერთი ბოთლი სრულიად საკმარისია,” - იხუმრა კომპანია Jinding Co-ს წარმომადგენელმა. გიგანტური ბოთლის გასახსნელად ასევე გიგანტური კორპსაძრობის დამზადება არ გახდა საჭირო - ამისთვის სპეციალური მოწყობილობა გამოიყენეს.
© ღვინის კლუბი/Weekend