15.00 ლარი
ეს ობჩური ცოლიკოური ღვალაძეების საოჯახო მარანში, ტრადიციულ ჭურებშია ჩაწურული, უჭაჭოდ. შემდეგ უჟანგავი ფოლადის ჭურჭელში ინახებოდა. სოფელი ობჩა იმერეთის ერთ–ერთი ყველაზე გამორჩეული მიკროზონააა, აქაური ცოლიკოური კი, რომელსაც ობჩურასაც უწოდებენ, საუკეთესოდაა აღიარებული. ვენახი, სადაც ყურძენი დაიკრიფა, ფერდობზეა გაშენებული. ღვინო 100% ცოლიკოურიდან დაიწურა. ოქროსფერია, ელვარე, სხეულიანი და სავსე, ობჩური ცოლიკოურის ნამდვილი ეტალონია, ცოცხალი მჟავიანობით, ხილისა და მწვანილეულის მდიდარი სურნელებით და დაუვიწყარი მინერალური დაბოლოებით. ობჩური ცოლიკოური შესანიშნავად ეხამება ცივად მოხარშულ დედალს, მდინარის თევზს, ფხალეულს, ხაჭაპურს და ყველებს. დალიეთ კარგად გაგრილებული.
© ღვინის კლუბი/vinoge.com