საჭირო მასალა: 3 ცალი ბადრიჯანი, 5 ცალი პამიდორი, 500 გ დაჭყლეტილი პამიდორი თავისი წვენით, 2 ს.კ. კედრის თესლი, 2 ს.კ. დაფქული ნუში, 1 ს.კ. დაფქული ფსტა, 2 ს.კ. ქიშმიში, 50 გ კაპარი, 1 კონა ბაზილიკი ან რეჰანი, 60 მლ თეთრი ღვინის ძმარი, 2 ს.კ. შაქარი, მწიკვი თავშავა, მარილი, ფქვილი, ზეითუნის ზეთი.
მომზადება: რეჰანი წვრილად დავჭრათ. პატარა კუბებად დავჭრათ პამიდვრები. დავუმატოთ რეჰანის ნახევარი, კაპარის 2/3, თავშავა, 3 ს.კ. ზეთი და სქელძირიანი ქვაბით 5 წუთით დაბალ ცეცხლზე დავდგათ. შემდეგ დავუმატოთ დაჭყლეტილი პამიდორი, შაქარი, მარილი, დავახუროთ სახურავი და 15 წუთი დაბალ ცეცხლზე ვშუშოთ. ამასობაში 2X2 სმ. კუბებად დავჭრათ ბადრიჯანი, მოვაყაროთ მარილი, ამოვავლოთ ფქვილში და გაცხელებულ ზეთში შევწვათ. შემწვარი ბადრიჯნის ნაჭრები საშრობ ქაღალდზე გადავიტანოთ. პამიდვრის მასა ავთქვიფოთ ბლენდერში, დავუმატოთ დანარჩენი კაპარი, რეჰანი, ქიშმიში, კედრის თესლი, ნუში, ფსტა და კიდევ ერთხელ ავთქვიფოთ. როდესაც ბადრიჯანი და პამიდვრის სოუსი შეგრილდება, ავურიოთ ერთმანეთში, დავუმატოთ ძმარი და 4-5 საათი გავაჩეროთ.
© ღვინის კლუბი/Weekend