საჭირო მასალა: 200 მლ ცხიმიანი რძე, 200 გ შაქრის პუდრა, 20 გ კარაქი.
მომზადება: შაქრის პუდრა და რძე ავურიოთ, დავუმატოთ კარაქი და პატარა ქვაბით დავდგათ დაბალ ცეცხლზე. თან ვურიოთ, რომ არ გადმოვიდეს. როგორც კი ადუღდება, ცეცხლს ოდნავ მოვუმატოთ და საშუალო ტემპერატურაზე განვაგრძოთ მზადება. მასას მუდმივად უნდა ვურიოთ, რომ არ გადმოვიდეს. თუ რძე ძალიან აქაფებულია, ცეცხლს ოდნავ დავუწიოთ. ვხარშოთ 10 წუთი. შემდეგ ცეცხლიდან გადმოვდგათ და გავაგრილოთ. ცხელ მდგომარეობაში მასა თხელია, მაგრამ გაცივებისთანავე შესქელდება. იმისათვის, რომ შესქელებლი რძე ერთგვაროვანი იყოს, ცხელივე გავთქვიფოთ ხელის ბლენდერის საშუალებით. უფრო სქელი კონსისტენცია რომ მივიღოთ, მეტ ხანს უნდა ვხარშოთ. მივიღებთ 250
გრამ შესქელებულ რძეს.
© ღვინის კლუბი/Weekend