როგორც გამოცემა “გარდიანი” გვამცნობს, ეკონომიკური კრიზისის გამო საბერძნეთში სულ უფრო პოპულარული ხდება ეგრეთ წოდებული “კარტოფილის მოძრაობა”. ეს არის ადგილობრივი წარმოების პროდუქციის გაყიდვის ახალი ფორმა, როდესაც მწარმოებლები გამყიდველს მაღაზიის გვერდის ავლით, პირველი ხელიდან აწვდიან თავის მოწეულ პროდუქციას. ამ პროგრამის ფარგლებში მსხვილ ქალაქებში კარტოფილით, ხახვით, ზეთისხილითა და ადგილობრივი წარმოების სხვა პროდუქციით დატვირთული სატვირთო მანქანები მიდიან. ქალაქელებს პროდუქტების ყიდვა პირდაპირ მანქანებიდან, სამჯერ იაფად შეუძლიათ, ვიდრე მაღაზიებში. ამასთან, პროდუქტის ხარისხი ბევრად უკეთესია. ასეთი სისტემა, ცხადია, ერთნაირად აწყობთ ფერმერებსაც და მყიდველებსაც, თუმცა მაღაზიის მეპატრონეები სერიოზულად ზარალდებიან.
© ღვინის კლუბი/Weekend