რქაწითელი
რქაწითელი - ქართული ტექნიკური ჯიში დამწიფების გვიანდელი ვადით. ჯიში განეკუთვნება შავი ზღვის აუზის ეკოლოგიურ-გეოგრაფიულ ჯგუფს. ფოთლები საშუალო, მომრგვალო სამ-ხუთფრთიანი, მტევანი საშუალო ზომის ან დიდი, ცილინდროკონუსური. მარცვალი საშუალო, ოვალური მომწვანო-ყვითელი ფერის ყავისფერი ლაქებით. პერიოდი დაკვირტვიდან ტურძნის ტექნიკურ სიმწიფემდე, ხორნაბუჯის ტერიტორიაზე 150დღეა. აქტიურ ტემპერატურათა ჯამის 3100-3200 c პირობებში მოსავლიანობა 100-150ც/ჰა. ჯიში ყინვაგამძლეა. ნახევრადმდგრადია მილდიუს მიმართ მცირედ ზიანდება იოდიუმით. ჩვენს კომპანიაში ჯიშისაგან რქაწითელი მზადდება სუფრის მშრალი თეთრი სამარკო ღვინო "რქაწითელი". ადგილობრივი კახური მეთოდით. ასევე რქაწითელი, ხიხვისა და მწვანეს ჯიშის ღვინომასალებთან, კუპაჟში, გამოიყენება მაღალხარისხიანი ღვინის "რქაწითელი ხორნაბუჯულლის" დასამზადებლად, რომელიც ასევე კახური ტიპისაა. რქაწითელი, მწვანეს ჯიშის ღვინომასალასთან ერთად, კუპაჟში, განოიყენება თეთრი სამარკო ღვინის "ტიბაანის" დასამზადებლად. რქაწითელის, საფერავისა და კაბერნე სოვინიონის ჯიშის ღვინომასალები გამოიყენება სუფრის ნახევრადმშრალი ვარდისფერი ღვინის დასამზადებლად. ასევე ეს ჯიში ჩინურის, ჩხავერის ჯიშის ღვინომასალებთან ერთად კუპაჟში გამოიყენება თეთრი ცქრიალა ღვინის დასამზადებლად. და ბოლოს, ღვინომასალები რქაწითელის, ხიხვის, მწვანეს ჯიშისაგან გამოიყენება თეთრი მაგარი, პორტვეინის ტიპის "კარდენახის" დასამზადებლად.
მწვანე
მწვანე - ქართული ტექნიკური ჯიში დამწიფების გვიანდელი ვადით. ფოთლები საშუალო, მომრგვალო, ხუთფრთიანი. მტევანი საშუალო ფართეკონუსური, მარცვალი საშვალო ოვალური. რბილი კანი, წვნიანი რბილობით. პერიოდი დაკვირტვიდან ყურძნის ტექნიკურ სიმწიფემდე, ხორნაბუჯის ტერიტორიაზე, 160დღეა. აქტიურ ტემპერატურათა ჯამის 3100-3200c პირობებში მოსავლიანობა 110-150ც/ჰა. ჯიში არამდგრადია მილდიუსა და ოიდიუმის მიმართ. მდგრადია ფილოქსერასადმი. არ გამოირჩევა გამძლეობით გვალვებისა, მაგრან ყინვაგამძლეა. ჩვენს კომპანიაში მწვანეს ჯიშისაგან მზადდება თეთრი სუფრის მშრალი სამარკო ღვინო "მწვანე". ეს ჯიში ასევე გამოიყენება რქაწითელისა და ხიხვის ჯიშის ღვინომასალებთან ერთად, კუპაჟში, თეთრი მაგარი სამარკო ღვინის, მადეირის ტიპის "ანაგის" დასამზადებლად.
საფერავი
საფერავი - ძველი ქართული ტრქნიკური ჯიში. დამწიფების გვიანდელი ვადით. ფოთლები დიდი, მომრგვალო, სამფრთიანი. მტევანი საშუალო ან დიდი. კონუსური. მარცვალი საშუალო ან დიდი ოვალური. მუქი ლურჯი. რბილი კანით. წვნიანი რბილობით. პერიოდი დაკვირტვიდან ყურძნის ტექნიკურ სიმწიფემდე ხორნაბუჯის ტერიტორიაზე საშუალოდ 150 დღეა. აქტიურ ტემპერატურათა ჯამის 3000 c პირობებში. მოსავლიანიბა 80-120ც/ჰა. ყინვაგამძლეობის თვალსაზრისით ყველაზე პირველია. ჯიში ნახევრადმდგრადია სოკოვანი დაავადებების მიმართ. ჩვენს კომპანიაში საპერავის ჯიშისაგან მზადდება წითელლი სამარკო ევროპული ტიპის ღვინო "საფერავი". ასევე კაბერნე სოვინიონის, რქაწითელის ჯიშის ღვინომასალებთან ერთად, კუპაჟში გამოიყენება ნახევრადმშრალი ღვინის დასამზადებლად. ასევე საფერავის ჯიშის ღვინომასალებთან ერთად, კუპაჟში, გამოიყენება "კაორის"დასამზადებლად. განსაკუთრებულია საფერავი სუფრის ნახევრადტკბილი ღვინის დასამზადებლად. საფერავის ჯიშის ღვინომასალა, ალექსანდროული ჯიშის ღვინომასალასთან ერთად გამოიყენება ნახევრადტკბილი ღვინის დასამზადებლად, რომელიც ხარისხით არ ჩამოუვარდება საქვეყნოდ ცნობილ ღვინოს, "ხვანჭკარა".
ალექსანდროული
ალექსანდროული - ქართული ტექნიკური ჯიში. დამწიფების გვიანდელი ვადით. იგი ეკუთვნის შავი ზღვის აუზის ეკოლოგიურ გეოგრაფიულ ჯუფს. ფოთლები საშუალო, მომრგვალო, სამფრთიანი. მომწვანო ფერის. მტევანი საშუალო ცილინდრული. მარცვალი მომრგვალო შავი ფერის. მაგარი კანით. წვნიანი რბილობით. დაკვირტვიდან ყურძნის ტექნიკურ სინწიფემდე პერიოდია 168 დღე. აქტიურ ტემპერატურათა ჯამის 3200-3500 c პირობებში. მოსავლიანობა 60-70ც/ჰა. მდგრადობა სოკოვანი დაავადებების მიმართ-საშვალოა. ჩვენს კომპანიაში ალექსანდროულის ჯიშისაგან მზადდება სუფრის მშრალი ორდინალური ღვინო "ალექსანდროული". ასევე საფერავის ჯიშის ღვინომასალასთან ერთად კუპაჟში გამოიყენება ნახევრადმშრალი ღვინის წარმოებისთვის, რომელიც თავისი ორგანოლეპტიკური მაჩვენებლით არ ჩამოუვარდება საყოველთაოდ ცნობილ ღვინოს "ხვანჭკარა".
ხიხვი
ხიხვი - ქართული ტექნიკური ჯიში დამწიფების გვიანდელი ვადით. ფოთლები დიდი, მრგვალი, სამფრთიანი. მტევანი საშუალო მმომწვანო ყვითელი ფერის. გარჯული ლაქებით მზის მხარეს. რბილი კანით, წვნიანი რბილობით. პერიოდი დაკვირტვიდან ყურძნის ტექნიკურ სიმწიფემდე, ხორნაბუჯის ტერიტორიაზე 150დღეა. აქტიურ ტემპერატურათა ჯამის 3100 c პირობებში მოსავლიანობა 60-80ც/ჰა. ჯიში მდგრადია ფილოქსერასადმი, ყინვაგამძლე და გვალვაგამძლეა. ნაკლებად ზიანდება მილდიუთი და ძლიერ ოიდიუმით. შაქრიანობა არანაკლებ 29%-ია ჩვენს კომპანიაში ხიხვის ჯიშისაგან მზადდება ჯიშური მაგარი თეთრი სამარკო ღვინო "ხიხვი". ასევე ეს ჯიში გამოიყენება, რქაწითელის მწვანეს ჯიშებთან ერთად კუპაჟში, მაღალხარისხიანი ღვინის, კახური ტიპის, "რქაწითელი ხორნაბუჯულის" დასამზადებლად.
ქისი
ქისი - ქართული ტექნიკური ჯიში. დამწიფების გვიანდელი ვადით. იგი ეკუთვნის შავი ზღვის აუზის ეკოლოგიურ გეოგრაფიულ ჯგუფს. ფოთლები საშუალო. მარცვალი ოდნავ ოვალური. ძირითადად სამფრთიანი. მტევანი საშუალო, კონუსური ან ცილინდრო-კონუსური. მარცვალი საშვალო, ოვალური მომწვანო თეთრი Fფერის. თხელი კანით, წვნიანი რბილობით. პერიოდი დაკვირტვიდან ყუირძნის ტექნიკურ სიმწიფემდე ხორნაბუჯის ტერიტორიაზე 140 დღეა, აქტიურ ტემპერატურათა ჯამის 2950ჩ პირობებში. მოსავლიანიბა 55-80ც/ჰა. მდგრადობა სოკოვანი დაავადებების მიმართ, შედარებით სუსტია. ჩვენ კომპანიაში ქისის ჯიშის ყურძნისაგან ამზადებენ სუფრის თეთრ სამარკო ღვინოს "ქისი".
ძველშავი
ძველშავი - ქართული ტეკნიკური ჯიშია. დანწიფების გვიანდელი ვადით. ფოთლები დიდი ოთხ ან ხუთფრთიანი, მტევანი დიდი კონუსური ან ცილინდრული. მარცვალი საშუალო. შავი ან მუქიწითელი ფერის. წვნიანი რბილობით. დაკვვირტვიდან ყურძნის ტექნიკურ სიმწიფემდე პერიოდია 170 დღეა. აქტიურ ტემპერატურათა ჯამის 350 c პირობებში. მოსავლიანობა 80-140ც/ჰა. მდგრადობა-სოკოვანი დაავადებების მიმართ-საშუალოა. ჩვენს კომპანიაში ძველშავის ჯიშის ყურძნისაგან მზადდება ორდინალური ღვინო "ძველშავი". ასევე ძველშავის ჯიშის ღვინომასალებისაგან კაბერნე ფრანის და კაბერნე სოვინიონი ჯიშის ღვინომასალებისგან, კუპაჟში, მიიღება წითელი ცქრიალა ღვინო.
ჩხავერი
ჩხავერი - ქართული ტექნიკური ჯიში დამწიფების გვიანდელი ვადით იგი ეკუთვნის შავი ზღვის აუზის ეკოლოგიურ-გეოგრაფიულ ჯგუფს. ფოთლები საშუალო, მომრგვალო სამფრთიანი, მტევანი საშუალო ცილინდრული. მარცვალი საშუალო, მუქი-წითელი, თხელი კანი, ხორციანი რბილობი. პერიოდი დაკვირტვიდან ყურძნის ტექნიკურ სიმწიფემდე, ხორნაბუჯის ტერიტორიაზე 218დღეა. აქტიურ ტემპერატურათა ჯამის 3880ჩ პირობებში. მოსავლის აღება ხდება ნოემბერში. ჯიში მდგრადია ფილოქსერასადმი ზიანდება სოკოვანი დაავადებებით, განსაკუთრებით მილდიუთი. შაქრიანობა არანაკლებ 22%-ისა. ჩვენს კომპანიაში ჩხავერის ჯიშის ყურძნისაგან მზადდება ნახევრადტკბილი ღვნო "ჩხავერი". ამავე ჯიშის ღვინომასალა რქაწითელისა და ჩინურის ჯიშის ღვინომასალებთან ერთად კუპაჟში გამოიყენება თეთრი ცქრიალა ღვინის დასამზადებლად.
ჩინური
ჩინური - ქართული ტექნიკური ჯიში დამწიფების გვიანდელი ვადით. იგი ეკუთვნის აღმოსავლეთის ჯიშების ეკოლოგიურ-გეოგრაფიულ ჯგუფს. ფოთლები საშუალო, მომრრგვალო, ხუთ ან იშვიათად სამფრთიანი. მტევანი დიდი, ცილინდრული ან ცილინდროკონუსური. მარცვალი საშუალო მომწვანო-მოყვითალო ფერის პატარა მუქი წითელი წერტილებით. მაგარი კანით. ხორციანი რბილობით, წვნიანი. პერიოდი დაკვირტვიდან ყურძნის ტექნიკურ სიმწიფემდე, ხორნაბუჯის ტერიტორიაზე 166დღეა. აქტიურ ტემპერატურათა ჯამის 3250 c პირობებში. მოსავლიანობა 60-70ც/ჰა. ჯიში მდგრადია სოკოვანი დაავადებების მიმართ. ყურძნის შაქრიანობაა 21-22%, ტიტრული მჟავიანობა 8,9გ/ლ. ჩინურის ჯიშის ყურძნისაგან მზადდება სუფრის ორდინალური ევროპული ტიპის ღვინო "ჩინური", ასევე ამ ტიპის ღვინომასალა რქაწითელისა და ჩხავერის ჯიშის ღვინომასალებთან ერთად, კუპაჟში, გამოიყენება თეთრი ცქრიალა ღვინის დასამზადებლად.ქართული ღვინის ოჯახი