საჭირო მასალა: 750 გ ღორის რბილი ხორცი, 1 საშუალო თავი ხახვი, 2-3 კბილი ნიორი, 20 გ ნედლი ჯანჯაფილი, 1 ღერი პრასი, 30 გ არაქისი, 3 ს.კ. ლიმონის წვენი, 8 ს.კ. უმარილო სოიის სოუსი, 8 ს.კ. მარილიანი სოიის სოუსი, 1 ს.კ. ყავისფერი შაქარი, 1 ს.კ. ინდონეზიური წიწაკის სოუსი ან დანაყილი წიწაკა ჩილი, 1 ს.კ. ძირა, 3-4 ს.კ. ზეთი, 200 გ ბრინჯი ბასმატი, 1 ს.კ. ხმელი ქინძი, მარილი, 1 პატარა კონა ახალი ქინძი, პილპილი – გემოვნებით.
მომზადება: ხორცი 2 სმ სისქის ნაჭრებად დავჭრათ. დავუმატოთ გახეხილი ჯანჯაფილი და მარილი. 30 წუთი მაცივარში შევდგათ, რომ არომატი გაუჯდეს. ხახვი, პრასი და ნიორი წვრილად დავჭრათ, არაქისი დავფქვათ. ხახვი, ნიორი, პრასი, არაქისი, ლიმონის წვენი, ორივენაირი სოიის სოუსი, შაქარი, ინდონეზიური სოუსი, ხმელი ქინძი და ძირა კარგად ავურიოთ. არომატული ნარევი დავუმატოთ ხორცს და მთელი ღამით მაცივარში შევდგათ. შემდეგ ხორცი გადავიტანოთ თუშფალანგზე, რომ მარინადისგან დაიწრიტოს. ვოკში ან ღრმა ტაფაში გავაცხელოთ ზეთი და შევწვათ ხორცი, დავამატოთ მარინადი და 125 მლ წყალი. ხორცი ვშუშოთ 10-15 წუთის განმავლობაში. ბრინჯი მოვხარშოთ მდუღარე მარილიან წყალში და გადავწუროთ. მოშუშული ხორცი ბრინჯთან ერთად ამოვიღოთ თეფშზე, ზემოდან კი დაჭრილი ქინძი მოვაყაროთ.
© ღვინის კლუბი/Weekend