იშვიათი ღვინოები აუქციონებზე დიდი პოპულარობით სარგებლობს და, როგორც წესი, რეკორდულ ფასადაც იყიდება. ნიუ-იორკში გამართულ სოთბის აუქციონზე ამჯერად 2007 წლის იტალიური საკულტო ღვინის Masseto-ს 15 ლიტრი გამოიტანეს ლოტად. კომპანია Tenuta dell'Ornellaia-ის მიერ ჩამოსხმული ღვინო საბოლოოდ 49 ათას დოლარად გაიყიდა. ასეთი მაღალი ფასი იმან განაპირობა, რომ ღვინო რარიტეტულია და მისი მხოლოდ 8 ბოთლია ჩამოსხმული. აღსანიშნავია აგრეთვე, რომ Massetoსაკულტო ღვინოების იმ მცირერიცხოვან კატეგორიას მიეკუთვნება, რომელიც მხოლოდ მერლოსგანაა დაყენებული. ამ ღვინის შეძენა მსოფლიოს ბევრ კოლექციონერს სურდა, საბოლოოდ კი ის ანონიმ აზიელ კოლექციონერს ერგო. ტოსკანაში მდებარე კომპანია Tenuta dell'Ornellaia-ს პროდუქცია აუქციონებზე ყოველთვის დიდ დაინტერესებას იწვევდა და სარფიანადაც იყიდებოდა. მაგალითად, რამდენიმე წლის წინ 2005 წლის Ornellaia-ს 9-ლიტრიანი ბოთლი ქრისთის აუქციონზე 33,6 ათას დოლარად გაიყიდა.
© ღვინის კლუბი/Weekend