Anteprima del Vino Nobile di Montepulciano-ს დღესასწაულს იტალიის ქალაქი მონტეპლუჩიანო ლურჯი ცით, მწველი მზითა და დათოვლილი მთებით შეხვდა, თუმცა თოვლი დღესასწაულის ბოლო მოულოდნელობა არ ყოფილა. ქალაქის ციხესიმაგრეში ზეიმი DiVino Orchestra-მ გახსნა. დაახლოებით 30 მუსიკოსს ხელში სასულე და სიმებიანი ინსტრუმენტების ნაცვლად ბოთლები, კასრები, მილები და სხვა ნივთები ეჭირა. მათი მეშვეობით ღონისძიებაზე მხიარული მუსიკა ჟღერდა, ყველაზე საინტერესო კი ის არის, რომ ორკესტრი იმპროვიზაციას კი არ მიმართავდა, არამედ მთელი სერიოზულობით ასრულებდა ნოტებზე დაწერილ ნაწარმოებებს. თუმცა, დღესასწაულის მთავარმა მიზეზმა - 2009 წლის მოსავლის ღვინის პრემიერულმა დეგუსტაციამ ერთგვარი იმედგაცრუება გამოიწვია. იშვიათი გამონაკლისის გარდა, მეღვინეებმა ტრადიციული სიმრგვალისა და კონცენტრაციის მიღწევა ვერ მოახერხეს. ლიდერებს შორის აღსანიშნავია: Boscarelli, Corte alla Flora, Palazzo Vecchio, Le Bertille, Poggio alla Sala, Poliziano, Talosa მარნების ღვინოები.
© ღვინის კლუბი/Weekend