ახალი ზელანდიის მეღვინეთა ასოციაციის წინასწარი მონაცემების მიხედვით, წლევანდელი მოსავალი რაოდენობრივად 2009 წლის რეკორდულ მოსავალთან ახლოსაც ვერ მოვა. მარლბოროსა და ნელსონში, ვაზის ყვავილობის პერიოდში, ცივი, წვიმიანი ამინდები დაემთხვა. სწორედ ამის გამო ვარაუდობენ ახალზელანდიელი მევენახეები ყურძნის მოსავლის 20-25%-ით შემცირებას. ერთი მხრივ, გასაოცარია, რომ მოსავლიანობის ამგვარ კლებას ღვინის საწარმოთა მესვეურებიცა და ჩინოვნიკებიც სიხარულით ხვდებიან, მაგრამ თუ გავითვალისწინებთ ჭარბწარმოებასთან დაკავშირებულ მთელ რიგ პრობლემებს, ეს სიხარული გადაჭარბებული აღარ მოგვეჩვენება.
© ღვინის კლუბი/Weekend