საჭირო მასალა: 0,5 კგ კალმარი, 400 გ პატარა ზომის ახალი ქამა სოკო, 2 თავი ხახვი, 100 გ კარაქი, 300 მლ რძე, 0,5 ჭიქა არაჟანი, 2 ჭიქა ფქვილი, 100 გ მაგარი ყველი, 1 კონა კამა და ოხრახუში, მარილი, წიწაკა, კურკუმა – გემოვნებით.
მომზადება: ტაფაზე გავაცხელოთ რამდენიმე კოვზი ზეთი და როცა გაცხელდება, დავუმატოთ სოკო. სანამ სოკო შეიწვება, კალმარები გავასუფთავოთ და პატარა ნაჭრებად დავჭრათ. შემწვარ სოკოს მოვაყაროთ მარილი და ამოვიღოთ საწურზე, რომ ზედმეტი ცხიმისგან დაიწრიტოს. ფქვილი ჩავყაროთ თასში, დავუმატოთ არაჟანი, დავასხათ ცოტა რძე და ავურიოთ. უნდა მივიღოთ სქელი არაჟნის კონსისტენციის მასა. ცომს დავუმატოთ შემწვარი სოკო, ალყა-ალყა დაჭრილი ხახვი და კალმარები. ეს ყველაფერი შევანელოთ მარილით, კურკუმითა და წიწაკით. პატარა ქოთნებში ჩავდოთ კარაქის პატარა ნაჭრები, ზედ კი მოვათავსოთ მომზადებული მასა, რომელიც ქოთანს პირამდე არ უნდა ავსებდეს. ქოთნები შევდგათ საშუალოდ გახურებულ ღუმელში დაახლოებოთ 1 საათის განმავლობაში, შემდეგ მოვაყაროთ გახეხილი ყველი და კიდევ 10-15 წუთი გავაჩეროთ ღუმელში. მზა კერძს მოვაყაროთ დაჭრილი მწვანილი.
© ღვინის კლუბი/Weekend