ღვინის მწარმოებელთა და მომხმარებელთა ძირითადი მასა თვლის, რომ ჰონკონგში სვამენ ან ელიტურ და ძვირად ღირებულ, ან უბრალოსა და დაბალხარისხიან ღვინოებს, ხოლო საშუალო კატეგორიის ღვინოები კი ჩინეთის სახალხო რესპუბლიკის სპეციალურ ადმინისტრაციულ რაიონში არ მოიპოვება. ცნობილი ღვინის ექსპერტი და ჟურნალისტი დებრა მეიბურგი ეჭვქვეშ აყენებს ამ მოსაზრებას და ამის დასამტკიცებლად სტატისტიკა მოჰყავს - წარმოებული ღვინის 62% -ს წარმოადგენს საშუალო ფასის პროდუქცია, რაც სერიოზული მაჩვენებელია. ეს ინფორმაცია აქარწყლებს ჰონკონგის ბაზრის შესახებ შექმნილ წარმოდგენას. მეიბურგის მონაცემებით, ყოველი ათი გაყიდული ბოთლიდან 6-ის ფასი ცალზე 13-დან 19 დოლარამდე მერყეობს, 9% მოდის 19 დოლარზე ნაკლები ფასის ღვინოზე, ხოლო 17%-ის ფასი კი 127 დოლარს აჭარბებს. დებრა მეიბურგის მიერ ჩატარებული ღვინის ბაზრის კვლევების მხარდამჭერი იყო კომპანია Applied Wine.
© ღვინის კლუბი/Weekend