საჭირო მასალა: 1 ლ ბულიონი, 300 გ ორაგული, 1 თავი ხახვი, 1 სტაფილო, 150 გ საკუთარ წვენში დაკონსერვებული პამიდორი, 1 ცალი მჟავე კიტრი, 1 ს.კ. კაპარი, 10-15 ცალი ზეთისხილი, 1 ცალი დაფნის ფოთოლი, 0.5 ჩ.კ. შაქარი. მარილი, წიწაკა გემოვნებით, 2 ს.კ. ზეთი.
მომზადება: ქვაბში მდუღარე ზეთში მოვშუშოთ წვრილად დაჭრილი ხახვი. დავუმატოთ დაჭრილი სტაფილო, ვშუშოთ 10 წუთი და დავუმატოთ დაკონსერვებული პამიდორი. 5 წუთის შემდეგ დავასხათ 1 ლ ბულიონი, ზეთისხილი, კაპარი, წვრილად დაჭრილი კიტრი, დაფნის ფოთოლი და ვადუღოთ 5 წუთი. შემდეგ მოვათავსოთ ქვაბში დაჭრილი ორაგული და ვხარშოთ 10 წუთი.
© ღვინის კლუბი/Weekend