8-10 ოქტომბერს ამერიკის შეერთებულ შტატებში, კერძოდ კი ვაშინგტონში, გაიმართება გამოფენა Taste of DC, რომელშიც პირველად მიიღებენ მონაწილეობას მოლდოველი მეღვინეები.
დღესდღეობით მოლდოვა აშშ-ში ყოველწლიურად 200 000 დოლარის ღირებულების ღვინოს ყიდის, თუმცა მოლდოველი მეღვინეები ამით არ კმაყოფილდებიან და, რა თქმა უნდა, ბაზრის გაფართოებაზე ზრუნავენ. ოქტომბერში დაგეგმილი გამოფენა მოლდოველთათვის მეტად მნიშვნელოვანი მარკეტინგული სვლაა და მასზე დიდ იმედებსაც ამყარებენ. როგორც აღმოჩნდა, ამერიკულ ბაზარზე მოლდოვური ღვინო, დაბალი ფასისა და მაღალი ხარისხის წყალობით, ხშირად თვით ფრანგულ ღვინოებსაც კი უწევს კონკურენციას.
© ღვინის კლუბი/vinoge.com