ღვინის ექსპერტები და მწარმოებლები 2011 წლის ბორდოს მოსავალს დადებითად ახასიათებენ, თუმცა იმის ხაზგასმაც არ ავიწყდებათ, რომ მოსავალი იდეალური ნამდვილად არ არის. 2009 და 2010 წლის შესანიშნავი რთველის შემდეგ ამგვარი შედეგი შეიძლება პირიქით, წაადგეს კიდეც ბორდოელ მეღვინეებს პრობლემების მოგვარებაში და მათ ნათლად დაანახოს რეალობა.
2011 წლის არამდგრადმა ამინდმა მევენახეებს არაერთი თავსატეხი გაუჩინა - მშრალი გაზაფხული და ივნისის უჩვეულო სიცხეები სექტემბრის წვიმიანმა ამინდმა და სეტყვამ დააგვირგვინა. ექსპერტები ვარაუდობენ, რომ წლევანდელი მოსავალი შარშანდელზე დაახლოებით 10%-ით ნაკლები იქნება, ფასები პრემიალური შატოების ღვინოებზე კი 20%-ით ან მეტით დაიკლებს.
©ღვინის კლუბი/vinoge.com