17 სექტემბერს გერმანიაში, ქალაქ მიუნხენში დაიწყო ლუდის ტრადიციული და ყოველწლიური ზეიმი – ოქტობერფესტი. ლუდის ფესტივალზე დასასწრებად ბავარიაში მთელი მსოფლიოდან უამრავი ტურისტი ჩადის. ამ ღონისძიებისთვის გერმანელი მელუდეები სპეციალურად ხარშავენ 5,8-6,3 გრადუსის სიმაგრის ლუდს. ფესტივალს განსაკუთრებით მიმზიდველს ხდიან ტრადიციულ ეროვნულ სამოსში გამოწყობილი გერმანელი გოგონები. ამ მხრივ ევროპელი სტუმრებიც ცდილობენ თავის გამოჩენას და ზოგი დონ კიხოტის, ზოგი მუშკეტერის, ზოგიც – სხვა ლიტერატურული გმირის ფორმაში გამოწყობილი სტუმრობს ოქტობერფესტს.
© ღვინის კლუბი/Weekend