9.00 ლარი
უკვე მეორე წელია ქართულ ბაზარზე ხარისხიანი ქვევრის, კახური ტიპის ღვინო გამოჩნდა. ეს ღვინო უკვე საკმაოდ ფართოდაა წარმოდგენილი სხვადასხვა ღვინის მაღაზიაში. კარდენახის სახელოვანი “წარაფების” ვენახებში დაკრეფილი ყურძნიდანაა დაყენებული. კარგი, გემრიელი ღვინოა, სხივიანი ქარვისფერით. ხასიათდება მსხლის ჩირისა და ნიგვზის სურნელებით, გემოზე სავსეა, რბილი ტანინებით, საკმაოდ ხანგრძლივი დაბოლოებით. კარგია ტრადიციულ კახურ კერძებთან ერთად.
© ღვინის კლუბი/Weekend