ესპანეთში, კერძოდ კი ქალაქ ბარსელონაში გაიმართა ესპანელ მეღვინეთა შეკრება, რომელსაც აგრეთვე ესწრებოდნენ ღვინის ვაჭრობის საკითხებით დაკავებული სახელმწიფო მოხელეები, FEV-ისა (ესპანური ღვინის ფედერაცია) და OIV-ის წარმომადგენლები.
შეკრების მონაწილეებმა შეიმუშავეს ათი კრიტერიუმისგან შემდგარი დეკლარაცია, რითაც ესპანელმა მეღვინეებმა ეკოლოგიურად სუფთა ღვინის მისაღებად უნდა იხელმძღვანელონ. დეკლარაციას ათასზე მეტი ესპანელი მეღვინე შეუერთდა. დეკლარაციაზე ხელმოწერით ისინი იღებენ ვალდებულებას აწარმოონ მხოლოდ ეკოლოგიურად სუფთა ღვინო და, შესაბამისად, არ გამოიყენონ შხამქიმიკატები. გარდა საკუთრივ ღვინის წარმოების დეტალებისა, დეკლარაციაში განსაზღვრულია მინის ტარის, ენერგიის წყაროს, წყლისა და სხვა ბუნებრივი რესურსების გამოყენების ნორმები.
© ღვინის კლუბი/Weekend