17.00 ლარი
ქართლში, მუხრანის ველზე მოყვანილი ფრანგული ჯიშიდან, სოვინიონ ბლანიდან დაყენებული ეს ღვინო ყველაზე მეტად მიუახლოვდა სოვინიონ ბლანის ფრანგულ სტანდარტს. მაღალმჟავიანი, აპერიტივისთვის ზედგამოჭრილი ხალასი ღვინო ყველაზე მიძინებულ პირის გემოსაც გამოაცოცხლებს. ჯერ ელვარე მომწვანო ფერი იპყრობს ყურადღებას, შემდეგ საოცარი სურნელი, სადაც ყვავილების, ქინძის, ლიმნისა და მსხლის არომატები დომინირებენ, ბოლოს კი ძალზე გამჭოლი გემო, ხანგრძლივი და დასამახსოვრებელი. მიაყოლეთ ზღვის ნობათს, ორთქლზე მომზადებულ თეთრ თევზს, სუშის, სალათებს.
© ღვინის კლუბი/Weekend