14.00 ლარი
იმერული იშვიათი ჯიშიდან, ოცხანური საფერედან დაყენებული ღვინოები ბოლო 2 წლის მანძილზე აღარც ისეთი იშვიათობაა, როგორც 10 წლის წინ. კერძო პირები და რამდენიმე კომპანია საკმაოდ საინტერესო ღვინოებს აყენებენ ამ ჯიშიდან. ერთ-ერთია ხარებაც, რომლის ახალი ოცხანურიც ბაზარზე უკვე რამდენიმე თვეა რაც გამოჩნდა. ალუბლისფერი ღვინოა ჟოლოს ელფერით, ახალი ოცხანურისთვის დამახასიათებელი მკვახე, მწვანე ტონები თითქმის მთლიანად მორბილებული აქვს. სავსე, ხასიათიანი ღვინოა, ძალიან გემრიელი, სასიამოვნო მჟავიანობითა და ხანგრძლივი დაგემოვნებით, ხავერდოვანი ტანინებით. ხასიათდება შავი ბლისა და მცირეოდენი კენკრის ტონებით. კარგი მისაყოლებელი იქნება იმერულად შემწვარ ქათამთან, ნიყვის სოკოსთან, ხორციან ღვეზელთან.
© ღვინის კლუბი/Weekend