13.00 ლარი
მწვანე კახურის ჯიში კახეთის ყველაზე ხალას ღვინოებს იძლევა, ასეა ბადაგონის ეს ღვინოც. მომწვანო-მოოქროსფერო, სასიამოვნო გარეგნობის ღვინო საკმაოდ გემრიელად ისხმება, პირველი ყლუპისთანავე კი მსუსხავი, ცოცხალი მჟავიანობით გამხნევებს. საკმაოდ ეკზოტიკური გემო-სურნელებით ხასიათდება, სადაც პირველ რიგში ციტრუსებს გამოვარჩევდი, დაბოლოებაში მანგოც კი ჩანს. საკმაოდ მაღალმჟავიანია, ამიტომ სწორად უნდა შევუხამოთ კერძი. ხემსიდან პირველ რიგში გამოყვანილ ორაგულთან მიდის კარგად, გახუხული პურის ან ბაგეტის თანხლებით. ასევე კარგია კიბორჩხალებთან, კრევეტებთან, თხის ყველებთან, ინდაურის ხორცთან.
© ღვინის კლუბი/Weekend