თანამედროვე მსოფლიოში ღვინის ყველაზე დიდი კოლექცია ფლორიდაში, რესტორან Bern's Steakhouse–ში ინახება და ის 500 000 ბოთლ ღვინოს მოიცავს. კოლექცია უნიკალურია არა მხოლოდ ღვინის შთამბეჭდავი რაოდენობის გამო, არამედ იმითაც, რომ მასში უამრავი ძვირფასი ღვინო შედის. რესტორნის ერთ-ერთმა თანამშრომელმა ამას წინათ სარდაფში უნიკალური ღვინო, 1947 წელს ჩამოსხმული Chateau Latour აღმოაჩინა. გაირკვა, რომ თავის დროზე, 1960 წელს, ღვინო რესტორნის პატრონს - ბერნს ლაკსერს შეუძენია. ეს იშვიათი ღვინო მომავალი თვიდან უკვე რესტორნის მენიუში შევა და 30 000 დოლარი ეღირება. ღვინოს პირველივე მსურველს მიჰყიდიან, ოღონდ ერთი პირობით – მან ბოთლი იქვე უნდა გახსნას და ძვირფასი სასმელი ადგილზე მიირთვას.
© ღვინის კლუბი/Weekend