ალავერდის მონასტრის მარანში, ტრადიციული წესით, ქვევრში დაყენებული ეს ღვინო ნამდვილად ეტალონური კახური ღვინოა. ძალიან სასიამოვნო გარეგნობის ქარვისფერი ღვინო გემრიელად ისხმება ჭიქაში და პირველივე სურნელებზე იპყრობს დამლევს. ჯერ ქაცვის, შემდეგ კი მზეზე დაბრაწული ვაშლის ჩირის ტონები ჩნდება, რომელიც გემოს დიდხანს მიჰყვება. რბილია, ელეგანტური და ღრმა. დაბოლოს, ამ ღვინოს, ჩემი აზრით ქართულ ღვინოებს შორის საუკეთესო ეტიკეტი ამშვენებს. მისაყოლებლად რა თქმა უნდა, ტრადიციული ქართული კერძები უნდა შევუხამოთ: ჩახოხბილი, გუფთა-ბოზბაში, ჩაქაფული, შილაფლავი.
© ღვინის კლუბი/Weekend