ფრანგული ნაციონალური ორგანიზაცია INAO აპირებს შამპანის რეგიონის გაფართოებას 40 კომუნის დამატებით. ტერიტორიების არჩევისას ექსპერტებმა გაითვალისწინეს გარემო პირობები: ნიადაგი, ქვენიადაგი, დაქანება და ა.შ.
გადაწყვეტილება გამოიწვია შამპანურზე დიდმა მოთხოვნილებამ. Drink & Think-ის ინფორმაციით, მარტო გასულ წელს რეგიონში 333 მლნ ბოთლი სასმელი დამზადდა, მაშინ, როცა ბოლო ათი წლის მანძილზე წარმოების საშუალო მაჩვენებელი იყო წელიწადში 330 მლნ ბოთლზე ნაკლები.
დღესდღეობით შამპანის მეურნეობა მოიცავს 319 სოფელს. მათი საერთო ფართობია 35 208 ჰა. ახალი ვენახები დაახლოებით 2017 წლისთვის ჩაიყრება.
© „მარანი“