საჭირო მასალა: 2-3 ცალი მოხარშული კარტოფილი, 3 ცალი მოხარშული კვერცხი, 3 ცალი კიტრის მწნილი, 200 გ მოხარშული საქონლის ენა, 2 ცალი ღორის ფეხი, 5 კბილი ნიორი, 1 კონა კამა, რამდენიმე ღერი მწვანე ხახვი, 1 კონა სალათის ფოთოლი, 250 მლ მაიონეზი, მარილი და პილპილი - გემოვნებით.
მომზადება: ღორის ფეხები გავასუფთავოოთ და მოვხარშოთ. 600 მლ ღორის ნახარში შევანელოთ შავი პილპილით, მარილით, დაჭყლეტილი ნივრით, შიგ მოვათავსოთ ღორის ფეხები და 3 საათით შევდგათ მაცივარში. ღორის ფეხებს ავაჭრათ ხორცი და მოხარშულ ენასთან, კარტოფილთან და კიტრის მწნილთან ერთად დავჭრათ პატარა ნაჭრებად. მსხვილად დავჭრათ მოხარშული კვერცხი. მომზადებული პროდუქტები სალათის ფოთლებზე ფენა-ფენა დავაწყოთ მაიონეზთან ერთად, მოვაყაროთ მარილი და პილპილი. სალათას ზემოდან მოვაყაროთ წვრილად დაჭრილი კამა და მწვანე ხახვი.
© ღვინის კლუბი/Weekend