როგორც ვხედავთ, ქართული ღვინის კომპანიების მარაგებში ჯერ კიდევაა შემორჩენილი 2005 წლის მოსავლის ღვინოები. კომპანია “კახურის” “მუკუზანი” ამის ნიმუშია. ამ ადგილწარმოშობის ღვინოს აშკარად ეტყობა სიძველის ნიშნები, საკმაოდ კარგი გამჭვირვალობა აქვს და მას შიდა ფერშიც და გარე რკალშიც მოჩანს მცირედი ძოწისფერი. სურნელზე ხაზგასმით მოჩანს შავქლიავის ჩირის არომატი, რომელიც ძალზე ჰარმონიულად ერწყმის მუხისგან მინიჭებულ სანელებლების ტონებს. გემოზე სასიამოვნოა, რბილი, საინტერესო კვალს ტოვებს, საკმაოდ ხანგრძლივადაც. მიაყოლედ კახურად შემწვარ ხოხობს, ჯიგრის ყაურმას, ცხვრის ხორცის ჩახოხბილს.