ოქტობერფესტის თურქული ვარიანტი, რომელიც სექტემბრის ბოლო შაბათ-კვირას გაიმართა თურქეთის ტურისტულ ცენტრად აღიარებულ ანტალიაში, საბედისწერო გამოდგა 27 წლის ტურისტისთვის. როგორც აღმოჩნდა, ის უხარისხო ალკოჰოლის მიღების შედეგად გარდაიცვალა. ეს ფესტივალი ანტალიაში უკვე არაერთი წელია ტარდება და უამრავ ცნობისმოყვარესაც იზიდავს - მაგალითად, წლევანდელ ფესტივალს 45 ათასი ტურისტი სტუმრობდა. ამ ტრაგიკული ფაქტის შემდეგ ანტალიის მერს საზოგადოებრივი ორგანიზაციების რისხვა დაატყდა თავს. თურქული ოქტობერფესტის ტრადიცია, შესაძლოა, მომავალში აღარც გაგრძელდეს.