კახეთში, ღვინის ქარხნებმა 9 000 ტონა ყურძენი უკვე ჩაიბარეს. როგორც კახეთის საინფორმაციო ცენტრს რთველის საკოორდინაციო შტაბის უფროსმა ტარიელ გაბუნიამ განუცხადა, ამ დროისთვის რეგიონში ყურძენს 20 ღვინის ქარხანა იღებს.
„კახეთში სულ 85 584 ტონა ყურძნის მოსავალია მოსალოდნელი, თუმცა მოსავლის დიდი ნაწილი სასურსათო ბაზრებში იყიდება, ნაწილს მევენახეები სახლში წურავენ. ღვინის ქარხნებში 13 000 ტონა ყურძნის მიღებას ვვარაუდობთ. 9 000 ტონა, ანუ მოსავლის დიდი ნაწილი უკვე დაბინავებულია“, - აღნიშნა გაბუნიამ.
მისივე თქმით, რთველი ჯერ არ დაწყებულა ახმეტის რაიონში. „ყურძენი იქ გვიან მწიფდება და ახმეტაში რთველი ალბათ ერთ კვირაში დაიწყება“, - განაცხადა რთველის საკოორდინაციო შტაბის უფროსმა.
© მედიანიუსი