ამ ღვინის დაგემოვნებისას პირველ რიგში მისი საოცარი მწვანე ფერი მიიქცევს ყურადღებას, შემდეგ კი მცენარეული, პირველ რიგში კი მინდვრის ყვავილებისა და ბზის არომატები. ასეთი სურნელი მთიდან მახსოვს, იქ, სადაც მდინარის ნაპირებზე ბზა იზრდება. ძალიან ღრმა გემო აქვს, მისაყოლებლად კი, ჩემი აზრით რეჰანით, როზმარინით, შაშკვლავით და სხვა სურნელოვანი მწვანილეულით შეკმაზული თევზი უნდა იყოს ზედგამოჭრილი.