საჭირო მასალა: 4 ცალი ბადრიჯანი, 3-4 კბილი ნიორი, 1 კონა რეჰანი, 1/2 ჩ.კ. ძირა, 50-60 გ. შებოლილი ყველი.
მომზადება: ბადრიჯანი დავჭრათ მრგვლად 5 მმ. სისქეზე, დავალბოთ მარილ-წყალში 10 წუთით, შემდეგ გავწუროთ და შევწვათ გრილზე. თითოეულ ნაჭერზე მოვათავსოთ ცოტა დაჭყლეტილი ნიორი, თითო ფოთოლი რეჰანი, პატარა ნაჭერი შებოლილი ყველი და ზემოდან მოვათავსოთ მეორე ფენა ანალოგიური შემადგენლობით. ბადრიჯნის ნაჭრებს მოვაყაროთ დაფხვნილი ძირა და შევდგათ ღუმელში, სანამ არ დადნება ყველი.
© ღვინის კლუბი/“Weekend“
