მსოფლიოს ერთ-ერთი უდიდესი ლუდის მწარმოებელი კორპორაცია SABMiller, რომელსაც ეკუთვნის სახელგანთქმული ბრენდები: Grolsch, Pilsner Urquell, Peroni Nastro Azzurro, Miller Genuine Draft და სხვ. აპირებს 16 მილიონი ფუნტი სტერლინგი გადაიხადოს ფეხბურთის მსოფლიო ჩემპიონატის მსვლელობისას დაგეგმილ ლუდის სარეკლამო კამპანიაში, წერს გაზეთი Guardian-ი. ,,ჩვენი კომპანია აპირებს წამყვანი პოზიციები დაიკავოს სამხრეთ აფრიკის რესპუბლიკის ბიზნესის ყველა სფეროში” - აცხადებს SABMiller-ის სარ-ის დეპარტამენტის ხელმძღვანელი ნორმან ადამი. ცნობილი გახდა აგრეთვე, რომ ამ თანხის უდიდესი ნაწილი ბრენდ Castle Lager–ის პოპულარიზებისთვის დაიხარჯება.