ალკოჰოლური სასმელების ერთ-ერთმა უმსხვილესმა კომპანია “თელიანი ველმა” პროდუქციის ექსპორტი დუბაიში დაიწყო. როგორც კომპანიიდან გვაცნობეს, დუბაიში უკვე გაიგზავნა 6 ათასი ბოთლი, ხოლო პროდუქციის შემდგომი მიწოდება ბაზრის მოთხოვნაზე იქნება დამოკიდებული.
გარდა ამისა, წელს კომპანიამ ექსპორტი დაიწყო სინგაპურში, სადაც 45 ათასი ბოთლი უკვე გაიგზავნა. კომპანიას ექსპორტზე გააქვს თითქმის ყველა წამყვანი დასახელების ღვინო, მათ შორის “წინანდალი”, “ხვანჭკარა”, “ქინძმარაული” და “საფერავი”. ცნობისთვის: კომპანია “თელიანი ველი” 1997 წელს დაარსდა და იგი აწარმოებს სხვადასხვა დასახელების ღვინოებს, შამპანურს და ასევე კონიაკს.
რადიო “კომერსანტი”
