არაყის მწარმოებელი კომპანიების ნაწილს კლიენტურა გაეზარდა. როგორც „უშბაში“ აცხადებენ, რეალიზაცია კრიზისის ფონზე საკმაოდ მაღალია და მოგება ბოლო 3 თვის მანძილზე 30%-ითაა მომატებული.
კომპანიაში საექსპორტო ბაზრის მდგომარეობითაც კმაყოფილი არიან და აცხადებენ, რომ საბერძნეთის ბაზარზე, სადაც კომანიამ 20 ათასი ბოთლი არაყი გაიტანა, რეალიზაცია დამაკმაყოფილებელია. საქართველოში „უშბას“ პროდუქცია 3 ან 5 ლარამდე ღირს.
რეალიზაციის მაღალ მაჩვენებელზე საუბრობენ არყის მწარმოებელ კიდევ ერთ კომპანია „გომშიც“. მათი თქმით, რეალიზაცია მთელი წლის განმავლობაში სტაბილურად მაღალია. ბაზარი მზარდია და ამიტომ წელს კომპანია წარმადობას გაზდის. გომი 25 დასახელების არაყს ასხამს, პროდუქცია ქართულ ბაზარზე 3-დან 20 ლარამდე ღირს. „გომი“ ექსპორტზე ამერიკაში თურქეთსა და ტაჯიკეთში გადის და წელს საექპორტო გეოგრაფიის გაფართოებაც იგეგმება.
გააქტიურების ნიშნები რესტორნების ბიზნესშიც შეიმჩნევა. დედაქალაქში ერთ-ერთ პოპულარულ რესტორან „თუ საიდში“ აცხადებენ, რომ სექტემბრის ბოლო და ოქტომბრის პირველი ნახევარი საკმაოდ დატვირთული გამოდგა.
კლიენტების სიმრავლეზე საუბრობენ კიდევ ერთ ცნობილ რესტორან „თბილისურშიც.“ მათი თქმით, შეკვეთების რაოდენობა დღითიდღე მატულობს. ზაფხულში მუშაობა პრაქტიკულად არ იყო, თუმცა შემოდგომა შედარებით აქტიური გამოდგა.
რადიო „კომერსანტი“
