ერთ- ერთი საუკეთესო საზაფხულო ღვინოა ქართულ ბაზარზე. ქინძმარაულის ზონაში მოყვანილი ძალზე ეკზოტიკური ჯიშიდან, ვარდისფერი მუსკატიდან დაწურული ეს ნახევრადმშრალი ღვინო პირველივე შესუნთქვაზე ღვინის მოყვარულებისთვის კარგად ნაცნობ მუსკატურ ტონებს აჩენს, სადაც ერთმანეთს ერწყმის ვარდის, ბაღის ყვავილებისა და სხვა სურნელები. ფერზე ძალიან ლამაზია, აგურისფერში გარდამავალი მკრთალი ვარდისფერი. რბილი და სასიამოვნო გემო აქვს. დალიეთ კარგად გაციებული, მიაყოლეთ ნესვს, საზამთროს, ხილის სალათებს.
მ.ხ. © vinoge.com