მასალა: 6 სხვადასხვა ფერის ბულგარული წიწაკა, 2 ს/კ ზეითუნის ზეთი, მარილი, 2 ქილა დაკონსერვებული თინუსი (თითო 180გ.), 1-2 ს/კ ლიმონის წვენი, 1-2 ჩ/კ მდოგვი, 150 გ. მდნარი ყველი, 2 ს/კ წვრილად დაჭილი ოხრახუში, მარილი და შავი პილპილი გემოვნებით.
მომზადება: კარგად გავასუფთავოთ წიწაკები, ამოვაცალოთ თესლი, დავაყაროთ მარილი, კარგად წავუსვათ ზეთი, დავაწყოთ ცხიმწასმულ თუნუქის ფურცელზე და შევდგათ 180 გრადუსზე გაცხელებულ ღუმელში, სანამ კანი არ მოიბრაწება. ღუმელიდან გამოღებული წიწაკები გავჭრათ სიგრძეზე ორ ნაწილად და დავაწყოთ გასაშრობად. გულსართისთვის ავიღოთ თინუსის კონსერვი, გადავწუროთ წვენი, ავურიოთ დანარჩენი ინგრედიენტები და ვაქციოთ ერთიან მასად, შემდეგ დაჭრილ წიწაკებში რულეტივით გადავახვიოთ და მივირთვათ.