“თუ საჩუქარს ეძებთ, რომლის მეგობრებთან გაზიარება მოგესურვებათ ან საკუთარი თავის განებივრება, ქარვისფერი ღვინოები ამ დღესასწაულებზე ნამდვილად შესანიშნავი არჩევანია.” - ვკითხულობთ ცნობილ იტალიურ ჟურნალში Gambero Rosso. ავტორი მკითხველს მის რჩეულ ნიმუშებს აცნობს,რომელთაგანც, უნდა ითქვას,რომ სამწუხაროდ ქართული არცერთი არ არის. თუმცა საინტერესოა, რომელი და რა ვაზის ჯიშებია გამოყენებული ღვინის ამ კატეგორიის დასამზადებლად.
პირველ რიგში სტატიაში ქარვისფერი ღვინის დამზადების ტექნოლოგიის შესახებ ვკითხულობთ “Orange Wine, რომელიც ასევე ცნობილია როგორც ქარვისფერი ღვინო, უკვე წლებია, მყარად ინარჩუნებს პოპულარობას. ღვინის ეს კატეგორია კვლავაც რჩება მოთხოვნად როგორც ლონდონისა და პარიზის მოდურ ღვინის ბარებში, ასევე იტალიურ სუფრებზე, განსაკუთრებით შობის დროს, როდესაც ღვინო იდეალური საჩუქარია.”
2024 წლის ზაფხულში The Guardian-მა ქარვისფერი ღვინო “ზაფხულის საოცარ ტენდენციად” აღწერა: “ქარვისფერი ღვინის ტონები და კომპლექსური არომატები ღვინოს განსაკუთრებულს ხდის, რაც შესანიშნავად ერწყმის რთულ კერძებს ან სასიამოვნო სიურპრიზად იქცევა ღვინის მოყვარულთათვის.”
შემდეგ მისი დავარგების წესის შესახებ ვკითხულობთ: “ საიდუმლო მაცერაციაში მდგომარეობს: თეთრი ყურძნის წვენი კანთან კონტაქტზე სხვადასხვა პერიოდით რჩება – რამდენიმე საათიდან რამდენიმე თვემდე. მოკლე მაკერაციის შედეგად ღვინოს ოქროსფერი ელფერი და ცოცხალი არომატები ეძლევა, ხოლო ხანგრძლივი პერიოდი მას ინტენსიური ფორთოხლისფერი ტონით, მეტად ტანინური ტექსტურით და განსაკუთრებული სტრუქტურით გამოარჩევს.
ავტორი საქართველოზეც წერს და ამბობს, რომ ქარვისფერი ღვინოც საქართველოდან იღებს სათავეს, სადაც ქვევრში აყენებენ ღვინოს: “ეს მეთოდი, რომელიც დღეს იუნესკოს არამატერიალური კულტურული მემკვიდრეობის სტატუსს ფლობს, მოგვიანებით იტალიელმა მეღვინეებმაც შემოღეს. 1990-იან წლებში პიონერებმა, როგორიც არიან იოშკო გრავნერი და სტანკო რადიკონი, ამ ტექნიკას ახალი სიცოცხლე შთაბერეს.”
Gambero Rosso-მ Berebene 2025-ისა და Vini d’Italia 2025-ის გზამკვლევებიდან საუკეთესო ღვინოები შეარჩია, სადაც ლიდერობს ფრულის რეგიონი, თუმცა შთამბეჭდავი ღვინოები სიცილიიდან, ტოსკანადან და რომანიიდანაც გვხვდება.
Ribolla Gialla 2020 – Paraschos დამზადებულია Ribolla Gialla-ს ჯიშისგან და გამოირჩევა ქარვისფერი ტონებით. აქვს ქერის, ცვილს, ატმის სიროფს, გარგარის მურაბას, ჩირეულისა და დარიჩინიანის არომატები. ღვინოს აქვს სასიამოვნო სტრუქტურა და მსუბუქი ტანინები. ვენახები მდებარეობს სან ფლორიანო დელ კოლიოში, სადაც მეღვინე ევანგელოს პარაშოსი დასავარგებლად იყენებს ტრადიციულ მეთოდებს, როგორიცაა ღია მუხის ჭურჭელი და თიხის ამფორები საბერძნეთიდან, მისი სამშობლოდან.
Collio Friulano Miklus 2019 – Draga – Miklus ღვინო დამზადებულია Friulano-ს ჯიშისგან და აქვს ყვავილების არომატები, როგორიცაა მდოგვის მურაბა, მწიფე ბანანი და თაფლი. ვენახები მდებარეობს ფრიული-ვენეცია-ჯულიას რეგიონში, სადაც მილან მიქლუსმა საოჯახო ვენახები მოიყვანა და თავის ვაჟს, მიტიას, გადასცა. ვაზები მოჰყავთ მდგრადი მეთოდებით და ღვინო ნაწილობრივ ტრადიციული, ნაწილობრივ თანამედროვე პროცესით იწარმოება.
Collio Friulano Athena 2020 – Picéch დამზადებულია Friulano-ს ჯიშისგან და გამოირჩევა ოქროსფერი ელფერით, მანდარინის, გარგარის მურაბისა და თაფლის არომატებით. ღვინო გამორჩეულია თავისი სურნელოვანი და მრავალმხრივი გემური თვისებებით. ვენახები მდებარეობს კოლიოს რეგიონში, სადაც რობერტო პიჩეჩი ტრადიციული და ინოვაციური ტექნიკის კომბინაციით ამზადებს ღვინოებს.
Vitovska 6/7 Ris. 2021 – Skerlj მზადდება Vitovska-ს ჯიშისგან და გამოირჩევა ციტრუსის, თაფლისა და სუნელოვანი არომატებით. ღვინოს აქვს მინერალური, მსუბუქად ტანინიანი გემო. ვენახები კარსოს რეგიონშია, სადაც ყველა პროცესი ხელით ტარდება და ტრადიციული მეთოდები გამოიყენება.
Romagna Albana Vitalba 2023 – Tre Monti დამზადებულია Albana-ს ჯიშისგან, რომელიც გამოირჩევა ოქროსფერი ელფერითა და ყვავილოვანი არომატებით. ღვინო მდიდარია გემოზე. ვენახები იმოლას რეგიონშია, სადაც 1966 წელს დაიწყო Tre Monti-ს ისტორია. ოჯახის ახალი თაობა ექსპერიმენტებს ატარებს ამფორაში დუღილით.
Zagreo 2022 - I Cacciagalli - ამფორაში დავარგებული ეს ღვინო თეთრი წიწაკის, ჯანჯაფილისა და ციტრუსის ტონებით ხასიათდება.
ეს ღვინოები, შთამბეჭდავი ისტორიისა და გემოვნების კომბინაციით, იდეალური საჩუქარია შობისთვის. სტატიას სრულად გაეცანით ვებგვერდზე.
© ღვინის კლუბი/vinoge.com