დასავლეთის სანქციების წინააღმდეგ რუსეთის მთავრობამ გამოაცხადა საფრანგეთიდან, ესპანეთიდან და გერმანიიდან იმპორტირებულ ღვინოზე 200%-იანი პოტენციური ტარიფები. ამის შესახებ განცხადება მაქსიმ ჩმორამ გააკეთა, რუსეთის ფედერალური საბაჟო შემოსავლებისა და ტარიფების რეგულირების მთავარი დეპარტამენტის ხელმძღვანელმა: "პოტენციური ტარიფები არის პირდაპირი პასუხი დასავლეთის ქვეყნების მიერ დაწესებულ სანქციებზე რუსეთის მიერ უკრაინაში 2022 წლის თებერვალში შეჭრის შემდეგ."
მაქსიმ ჩმორამ ხაზი გაუსვა, რომ რუსეთი განიხილავს 200%-იან დამცავ გადასახადს ნატოს ქვეყნებიდან ღვინის იმპორტზე, განსაკუთრებით საფრანგეთის, ესპანეთისა და გერმანიის მიმართ. ჩმორამ განაცხადა: "ჩვენ გვესმის, რომ ეს გადასახადი ფაქტობრივად აკრძალვას ნიშნავს. გადასახადის გადახდა და შემდეგ ბიზნესის გაგრძელება ეკონომიკური თვალსაზრისით, შესაძლებელია მხოლოდ ძალიან მაღალი მარჟის მქონე პროდუქტებზე." რუსეთი ასევე გეგმავს 50%-იანი ტარიფის დაწესებას სხვა "არამეგობრული" ქვეყნების ღვინოებზეც.
დასავლური კომპანიები, როგორიცაა Coca-Cola და Heineken, ასევე გავიდნენ რუსული ბაზრიდან. ევროკავშირმა შეაჩერა სხვადასხვა საქონლის ექსპორტი რუსეთში და აკრძალა ისეთი პროდუქციის იმპორტი, როგორიცაა ოქრო და ბრილიანტები რუსეთიდან. "შემოთავაზებული ტარიფები ასევე შექმნილია იმისთვის, რომ დროული სტიმული მისცეს ღვინის ადგილობრივ მწარმოებლებს." - ვკითხულობთ სტატიაში. შეგახსენებთ, რომ რუსეთის დიდი ნაწილი უვარგისია ვაზის მოსაყვანად, მხოლოდ კრასნოდარში და როსტოვში აწარმოებენ ღვინოს. რუსეთში ამჟამად 85000 ჰექტარი ვაზია გაშენებული, ქართული რქაწითელი ყველაზე ფართოდ გაშენებული ჯიშია. სხვა ჯიშებში შედის კაბერნე სოვინიონი, მერლო და რისლინგი.
რუსეთის მევენახე-მეღვინეთა ასოციაციის (AWWR) გამგეობის თავმჯდომარემ დიმიტრი კისელევმა ხაზგასმით აღნიშნა, რომ „გადაჭარბებული იმპორტი“ ამძიმებს შიდა მეღვინეობის სექტორს. AWWR-მ ადრე წარმატებით აწარმოა კამპანია „არამეგობრული ქვეყნებიდან“ ღვინის იმპორტზე გადასახადების გაზრდის მიზნით 12.5%-დან 20%-მდე. კისელევი ახლა კიდევ უფრო მაღალი ტარიფების მომხრეა ბაზრის ჭარბი მიწოდების თავიდან ასაცილებლად: "თუ ევროპული ღვინოები ფაქტობრივად აიკრძალება, ამან შეიძლება სარგებელს მოუტანოს ღვინის მწარმოებლებს არგენტინაში, ჩილეში, სამხრეთ აფრიკაში და სომხეთში. ეს ქვეყნები სტაბილურად ზრდიან ექსპორტს რუსეთში და ეს ტენდენცია შეიძლება დაჩქარდეს. " - ვკითხულობთ decanter-ის სტატიაში. რუსი მეღვინეები მთავრობისგან დამატებით მხარდაჭერას ითხოვენ.
რუსეთის მთავრობის მიერ შემოთავაზებული ტარიფები წარმოადგენს მნიშვნელოვან ცვლილებას სავაჭრო პოლიტიკაში, რომელიც გამოწვეულია გეოპოლიტიკური დაძაბულობითა და ეკონომიკური სანქციებით. მოსალოდნელია, რომ ეს ნაბიჯი შეცვლის რუსეთის ღვინის ბაზარს, პოტენციურად შეამცირებს ევროპული ღვინოების არსებობას, ხოლო არაევროპელი ღვინის მწარმოებლებს ახალ შესაძლებლობებს შესთავაზებს. ვითარების გათვალისწინებით, ღვინის გლობალურმა ბაზარმა შესაძლოა მნიშვნელოვანი ცვლილებები განიცადოს ვაჭრობის დინამიკაში.
© ღვინის კლუბი/vinoge.com